പെയ്തൊഴിഞ്ഞീ സ്നേഹം, കണ്ണില് വര്ഷശോകമായോ...?
നിന്റെ സ്വരമുറങ്ങും കനവോ, കനല്ക്കാറ്റായി വീശിയോ...
ഇന്നണഞ്ഞുവോ നീ ഒരു, മിന്നിമായും നാളമായി...?
നീ പകര്ന്ന സ്നേഹബാഷ്പവും ഇന്നുറഞ്ഞ് കനലായോ..?
ഹൃദയത്തിന് നടവഴിയില്, ഇരുളും നിഴലായി നീ മാഞ്ഞുവോ?
സ്വയം എരിഞ്ഞു തീരുമീ യാത്രപോയ ഓര്മ്മയില്...
എന്തിനീ തീക്ഷണമാം വിങ്ങലിന് ശകലമായി നീ..?
അകലും സന്ധ്യയില് ഇറ്റുവീണ മഷിത്തുള്ളിയെ,
തേടി ഞാന്, തുളുമ്പുമീ മിഴിനീരിലും തൂലികാഗ്രം പോല്...
വാടിവീണ പൂവുപോല്, മോഹശകലമിന്നുറങ്ങിയോ?
നിശയിലെ നിലാവു പോലും വേനലായി മാറ്റി നീ..
ക്ഷണികമീ ജീവിതത്തില് ക്ഷണികമോ ഈ വേദന ?
അറിയുന്നു ഞാന് ഈ വേദന, ക്ഷണികമല്ലൊരിക്കലും.
ആഴ്ന്നിറങ്ങിയീ വേരുകള് ഹൃദയത്തെത്തുളച്ചിതാ..
സ്നേഹവും വളമായോ, നീറുമീ കണ്ണീരിന് മഴക്കായി...
