24 Jul 2009

മൂകസന്ധ്യ.

പകലുകൾ അകലെ അലിയും,
നിശയോ സന്ധ്യയില്‍ അലയും..!

കൂടുകൾ വിട്ടൊരാ പക്ഷികൾ പാടും,
പാട്ടിന്റെ ഈണം പകരാമോ....?
സഖീ, പാട്ടിന്റെ ഈണം പകരാമോ....?

രാവുകൾ തീർത്തൊരാ യാത്രയാം സംഗീതം,
ശോകമായ് തേങ്ങിയോ വിരഹമീ ഗാനം..?

ഇന്നലെ നീ തന്ന ഓർമതൻ ചിറകുകൾ,
പിന്നെയും പൊഴിയുന്നതെന്തേ..?
സഖീ, പിന്നെയും പൊഴിയുന്നതെന്തേ..?

ഈറനാം മിഴികൾ പറയാതെ പകരുന്നോ,
ശോകഗാനത്തിൽ നീറുമീ നീണ്ട നിലാമഴ..?

അഴകാർന്ന നിൻ മുഖ ചിത്രമെഴുതുമ്പോൾ,
ആരാരുമറിയാതെ പടരുന്നതെന്തേ..?
സഖീ, അകലേക്കായി മറയുന്നതെന്തേ..?

പിന്നെയും പകലുകൾ അലയുന്നോ സന്ധ്യയിൽ,
നിശയുടെ ഹൃദയത്തിൻ രാഗങ്ങൾ തേടി..?

നോവുമായ് ഉറങ്ങുമീ മൂകവിഷാദം,
ഒരുനോക്കിനാ‍യ് ഉണരുന്നതെന്തേ...?
സഖീ, ഒരുവാക്കിനായ് ഉണരുന്നതെന്തേ...?

Creative Commons License

5 comments:

Sumesh Steephen said...

മൂകസന്ധ്യ.

valare nannayirikyunnu bhai...
ella vidha bhavukangalum nerunnu...

Unknown said...

vayichu...ishtapettu...ezhuthoo..

സന്തോഷ്‌ പല്ലശ്ശന said...

നല്ല ഗസല്‍, നിങ്ങളൊ അല്ലെങ്കില്‍ പാടാന്‍ കഴിവുള്ള മാറ്റാരെകൊണ്ടെങ്കിലുമൊ പാടിച്ച്‌ ഒരു ഓഡിയൊ ഫയലാക്കി പോസ്റ്റുക

സബിതാബാല said...

അതിമനോഹരം...

Sureshkumar Punjhayil said...

Manoharamayirikkunnu.... Ashamsakal...! Padu ketto.